Héraðssambandið Skarphéðinn

Hvaða þarf að uppfylla til að geta sett HSK met?

1. Einstaklingar þurfa að setja metin á viðurkenndum mótun sem hafa verið tilkynnt til FRÍ, eða eru á hlaupaskrá.

2. Í spretthlaupum og stökkum þarf að vera vindmælir. Vindur má ekki vera meiri en 2 m/sek.

3. Rafmagnstímataka þarf að vera í hlaupum á 400 metra braut.

4. Miðað er við svokallaðan „flögutíma“ í götuhlaupum.

5. Mæling á götuhlaupaleiðum þarf að hafa átt sér stað, til að Götuhlaup telist viðurkennd.

Um hlutgengi þeirra sem ná metum

1. Þeir einstaklingar sem eru með keppnisréttinn hjá félögum utan HSK svæðisins koma ekki til greina sem nýir HSK methafar. (þó þeir séu etv. hættir að keppa og búi jafnvel á svæðinu. Viðkomandi þarf þá að skipta um félag.)

2. Þeir einstaklingar sem hafa ekki verið að keppa á opinberum mótum með félögum innan hreyfingarinnar, en eru búsettir á svæðinu koma til greina. Þetta á t.d. við þá sem taka þátt í götuhlaupum, s.s. Frískir Flóamenn.

3. Þeir sem eru með keppnsiréttinn í einhverju aðildarfélaga HSK, en keppa fyrir skokkhópa sem eru ekki í hreyfingunni koma til greina. Dæmi um þetta er Borghildur Valgeirsdóttir sem hefur alla tíð keppt fyrir Umf. Selfoss (og hefur ekki skipt um félag), en er nú í hóp sem nefnist Laugaskokk.

Uppfærð HSK metaskrá

1. Metaskrá í öllum aldursflokkum frá 11 – 90 ára er á www.hsk.is.

2. Mikilvægt er að uppfæra metaskrána reglulega, helst eftir hvert mót.

3. Ábendingar um met sem sett hafa verið berist með tölvupósti á hsk@hsk.is.