Héraðssambandið Skarphéðinn

Lög glímuráðs

1. gr.

Glímuráð Skarphéðins (Glímuráð HSK) er samtök aðildarfélaga HSK eða deilda þeirra sem iðka glímu og hafa keppendur í glímu innan sinna raða. Ráðið starfar innan HSK og samkvæmt lögum ÍSÍ og GLÍ.

2. gr.

Tilgangur Glímuráðs HSK er að vinna að eflingu glímunnar á sambandssvæði HSK og vera samstarfsvettvangur aðildarfélaga HSK í glímu. Glímuráð HSK gerir tillögur um niðurröðun glímumóta innan sinna vébanda og skipar dómara á þau. Það hefur einnig umsjón með skráningu í landsmót og ferðir á þau og annan vettvang er glímunni viðkemur.

3. gr.

Málefnum ráðsins stjórna: 1. Aðalfundur, 2. Stjórn.

4. gr.

Aðalfund skal halda árlega á tímabilinu 1. apríl til 31. maí og skal boða til hans skriflega með minnst 7 daga fyrirvara. Í fundarboði skal getið um dagskrá fundarins, fulltrúafjölda félaga og tillögur sem borist hafa. Aðalfundur er löglegur sé löglega til hans boðað.

5. gr.

Aðalfund sitja fulltrúar þeirra félaga eða deilda innan HSK sem aðild eiga að ráðinu. Fulltrúafjöldi miðast við keppendafjölda í landsmótum GLÍ. Þannig komi einn fulltrúi fyrir hverja 5 keppendur eða brot úr 5 og telst hver keppandi einu sinni á ársgrundvelli. Félög sem iðka glímu fá einn fulltrúa á aðalfund.

6. gr.

Stjórn ráðsins er skipuð þremur mönnum og tveimur til vara. Hún er kosin árlega á aðalfundi. Henni er skylt að senda skýrslur um öll glímumót innan vébanda HSK til stjórna HSK og GLÍ innan mánaðar frá því mótið var haldið. Fundargerðir skulu berast stjórn HSK.

7. gr.

Dagskrá aðalfundar er:

1. Setning aðalfundar

2. Kosning fundarstjóra og ritara.

3. Kosning kjörbréfanefndar og alsherjarnefndar (3 menn í hvora)

4. Skýrsla fráfarandi stjórnar.

5. Endurskoðir reikningar lagðir fram til samþykktar ásamt fjárhagsáætlun næsta árs. Einnig árstillögur ef til kemur.

6. Lagabreytingar og tillögur sem borist hafa, teknar til meðferðar.

7. Kosning formanns ráðsins.

8. Kosning ritara sem er jafnframt varaformaður.

9. Kosning gjaldkera.

10. Kosning tveggja varamanna í stjórn og tveggja skoðunarmanna.

11. Önnur mál.

12. Fundi slitið.

Einfaldur meirihluti ræður úrslitum í öllum málum nema um tillögur til lagabreytinga, þá þarf 2/3 hluta greiddra atkvæða. Allar lagabreytingar verða að fá samþykki stjórnar HSK Hún getur ef hún telur ástæðu til óskar umsagnar GLÍ um lagabreytingar. Fulltrúi stjórnar HSK hefur seturétt á aðalfundi ráðsins og hefur þar málfrelsi og tillögurétt en ekki atkvæðisrétt.

8. gr.

Stjórn Glímuráðs HSK velur fulltrúa á ársþingi Glímusambands Íslands og skiptir þeim milli aðildarfélaga sinna í réttu hlutfalli við fjölda keppenda þeirra á landsmótum GLÍ.

9. gr.

Tillögur um að leggja Glímuráð HSK niður er aðeins hægt að taka fyrir á löglegum aðalfundi og þarf minnst 2/3 hluta atkvæða til að teljast samþykkt. Sami fundur ákveður hvernig eignum ráðsins skuli ráðstafað. Þeim má aðeins verja til glímu á sambandssvæði HSK.

10. gr.

Reikningsár Glímuráðs HSK er almanaksárið. Reikningar ráðsins og skýrsla stjórnar skal berast stjórn HSK árlega og nógu snemma til að birtast í ársskýrslu HSK. Lántaka fjármuna er stjórn ráðsins ekki heimil nema í samráði við stjórn HSK. Starfsár stjórnarráðsins er á milli aðalfunda.

Samþykkt á stofnfundi 28. janúar 1998, breyting á 4. og 5. gr. á aðalfundi 1999

Tilbaka