Héraðssambandið Skarphéðinn

Reglugerð um héraðsmót HSK

Reglugerð um héraðsmót HSK

1. grein

Héraðsmót HSK eru keppnir milli aðildarfélaga HSK og skulu haldin samkvæmt ákvæðum þessarar reglugerðar.

2. grein

Héraðssambandið Skarphéðinn skal árlega standa fyrir eftirtöldum héraðsmótum:

1. Badminton

a) Héraðsmót

b) Unglingamót

c) Tvíliða- og tvenndarmót unglinga

2. Blak

a) Héraðsmót karla

b) Héraðsmót kvenna

c) Héraðsmót drengja 16 ára og yngri

d) Héraðsmót stúlkna, 16 ára og yngri
e) Hraðmót karla

f) Hraðmót kvenna

3. Borðtennis

a) Héraðsmót

4. Bridds

a) Sveitakeppni

b) Tvímenningur

C) Tvímenningskeppni eldri borgara

5. Fimleikar
a) Héraðsmót í landsreglum 14 ára og yngri ásamt byrjendareglum.

b) Héraðsmót í landsreglum l5 ára og eldri

c) Héraðsmót í teamgym 11-18 ára juniorar

d) Héraðsmót í teamgym 16 ára og eldri seniorar

6. Frjálsíþróttir

a) Héraðsmót innanhúss (karla- og kvennaflokkur)

b) Unglingamót innanhúss (15 - 22 ára)

c) Aldursflokkamót innahúss (12,13 og 14 ára)

d) Héraðsmót utanhúss (karla- og kvennaflokkur)

e) Unglingamót utanhúss (15 - 22 ára)

f) Aldursflokkamót utanhúss (12,13 og 14 ára)

g) Fjölþrautamót

7. Glíma

a) Héraðsmót karla, keppni um Skarphéðinssköldinn

b) Héraðsmót kvenna 17 ára og eldri, keppni um Bergþóruskjöldinn

c) Héraðsmót stúlkna 11 - 16 ára

d) Héraðsmót drengja 11 - 20 ára

8. Golf

a) Héraðsmót

b) Aldursflokkamót 14 ára og yngri

9. Handknattleikur

a) Meistaraflokkur karla

b) 3. flokkur karla

c) 4. flokkur karla

d) 5. flokkur karla

e) Meistaraflokkur kvenna

f) 3. flokkur kvenna

g) 4. flokkur kvenna

h) 5. flokkur kvenna

10. Hestaíþróttir

a) Héraðsmót

11. Íþróttir fatlaðra

a) Héraðsmót

12. Judó

a) Héraðsmót 15 ára og eldri

b) Héraðsmót 11-14 ára

13. Karate

a) Héraðsmót

14. Knattspyrna

a) Meistaraflokkur kvenna

b) Meistaraflokkur karla

c) 3. flokkur karla

d) 4. flokkur karla

e) 5. flokkur karla

f) 3. flokkur kvenna innanhúss

g) 4. flokkur kvenna innanhúss

h) 5. flokkur kvenna

15. Körfuknattleikur

a) Héraðsmót karla

b) Héraðsmót kvenna

c) Bikarkeppni karla

d) Bikarkeppni kvenna

e) Héraðsmót 10. fl. drengja (16 ára og yngri)

f) Héraðsmót 10. fl. stúlkna (16 ára og yngri)

g) Héraðsmót 8. fl. drengja (14 ára og yngri)

h) Héraðsmót 8. fl. stúlkna (14 ára og yngri)

16. Skák

a) Sveitakeppni

b) Héraðsmót 16 ára og yngri

17. Skotfimi

a) Héraðsmót

18. Starfsíþróttir

a) Héraðsmót

19. Sund

a) Héraðsmót

b) Unglingamót (14 ára og yngri)

c) Aldursflokkamót (18 ára og yngri)

20. Taekwondo

a) Héraðsmót í poomse

b) Héraðsmót í sparring

3. grein

Rétt til þátttöku á öllum þessum mótum eiga öll aðildarfélag HSK sem keppnisrétt hafa í opinberum íþróttamótum.

Þrátt fyrir 1. mgr. hafa þeir einir rétt til þátttöku á héraðsmótum sambandsins, sem eru löglegir keppendur aðildarfélaga HSK, samanber lög og reglur viðkomandi sérsambands.

Verði ágreiningur um hlutgengi keppenda á héraðsmótum verða félög að leita til dómstóla íþróttahreyfingarinnar, sbr. lög og reglugerðir viðkomandi sérsambands.

Nefndum og ráðum HSK er heimilt að bjóða einstaklingum og liðum til keppni á héraðsmót HSK og keppa þar sem gestir. Í slíkum tilvikum verður viðkomandi aðili (einstaklingur eða lið) skráður sem gestaþátttakandi og hlýtur ekki verðlaun eða stig fyrir þátttöku sína.

4. grein

Á þeim héraðsmótum þar sem keppt er í einstaklingsgreinum skal gefa fyrir fyrstu 6 sæti í hverri grein þannig:

1. sæti = 6 stig

2. sæti = 5 stig

3. sæti = 4 stig

4. sæti = 3 stig

5. sæti = 2 stig

6. sæti = 1 stig

Heildarstigafjöldi félaga ráða úrslitum á mótinu.

5. grein

Um framkvæmd móta sjái viðkomandi nefndir eða sérráð HSK. Aðildarfélögum HSK er þó heimilt að sækja um einstök héraðsmót. Stjórn HSK, í samráði við viðkomandi nefnd eða ráð fjallar um umsóknir sem berast. Heimilt er að semja um framkvæmdina við umsækjendur eða hafna öllum. Stjórn HSK er einnig heimilt að semja við viðkomandi sérráð um að það taki að sér fjárhagslega umsjá einstakra móta.

6. grein

Allar nánari reglur um hvert héraðsmót skal viðkomandi nefnd setja, hafi það ekki áður verið gert á héraðsþingi HSK. Jafnan skal leita samþykkis þeirra félaga sem þátt taka í mótinu varðandi slíkar reglur. Verði ágreiningur varðandi framkvæmd á héraðsmóti skal stjórn HSK úrskurða þar um.

7. grein

Nefndir geta ákveðið að sameina fleiri en eitt héraðsmót í einu stóru íþróttamóti; „Íþróttahátíð HSK". Skal þá stjórn HSK hafa forgöngu um að kalla saman sérstaka nefnd; „Íþróttahátíðarnefnd" sem sjái um öll sameiginleg framkvæmdaatriði á hátíðinni. Í nefndinni sitja auk fulltrúa stjórnar einn aðili frá hverri nefnd sem að hátíðinni standa. Formaður nefndarinnar skal jafnan vera úr stjórn HSK.

8. grein.

Úrslit úr öllum héraðsmótum skal færa inn á heildarstigatöflu þannig:

1. sæti = 10 stig

2. sæti = 9 -

3. sæti = 8 -

4. sæti = 7 -

5. sæti = 6 -

6. sæti = 5 -

7. sæti = 4 -

8. sæti = 3 -

9. sæti = 2 -

10. sæti = 1 -

Ef félag sendir fleiri en eitt lið til keppni í sama móti fær það félag aðeins stig fyrir það lið sem bestum árangri nær á mótinu. Stig fyrir þau sæti sem önnur lið frá félaginu ná falla niður.

9. grein

Öll héraðsmót HSK skal tilkynna til skrifstofu HSK eigi síðar en tveimur vikum áður en keppni byrjar. Þau skal síðan kynna á heimasíðu héraðssambandsins og setja inn í viðburðadagatal. Þau mót sem tilkynnast með minni fyrirvara skulu auglýst aftur með minnst tveggja vikna fyrirvara til að teljast lögleg. Stjórn HSK skal sjá til þess að stig á heildarstigatöflu séu færð strax og úrslit á Héraðsmóti hefur verið tilkynnt. Heildarstig hvers félags og röð félaga eftir hvert mót skulu jafnan liggja fyrir og vera til sýnis á heimasíðu HSK.

10. grein

Með reglugerð þessari eru aðrar reglur og samþykktir um sama efni úr gildi fallnar.

11. grein

Stjórn HSK er heimilt að breyta reglugerðinni á stjórnarfundi. Stjórn er skylt að senda tilkynningu um breytingar á reglugerðinni til aðildarfélaga, nefnda og ráða sambandsins

(Samþykkt á héraðsþingi í Njálsbúð 1993, breytingar gerðar á héraðsþingi 1998, 1999, 2000, 2001, 2002, 2003, 2004, 2008, 2010, 2014 og 2015)

Breyting á 2. grein gerð af stjórn 2016. Breyting á 3. grein gerð á héraðsþingi 2017

Tilbaka

HSK tvímenningur í bridds

Héraðsmót í taekwondo 2019

Unglingamót HSK í badminton 20..

Unglingamót HSK í sundi 2018