Héraðssambandið Skarphéðinn

Verkefnasjóður HSK, umsóknarfrestur til 1. október

01.10.2019 - 01.10.2019

Á héraðsþingi HSK árið 2017 var reglugerð Verkefnasjóðs HSK breytt og síðan hefur verið úthlutað tvisvar á ári úr sjóðnum. Umsóknir eiga að berast rafrænt á þar til gerðu umsóknareyðublaði á www.hsk.is fyrir 1. apríl eða 1. október ár hvert. Tilgangur Verkefnasjóðsins er að styrkja félags- og íþróttastarf á sambandssvæði HSK, en sjóðurinn veitir ekki styrki til mannvirkjagerðar. Að öðru leyti fer úthlutun úr sjóðnum eftir mati stjórnar sjóðsins. Meðfylgjandi má sjá fyrri úthlutun ársins, þar sem fram koma upplýsingar hvaða þættir starfsins voru styrktir. Eingöngu stjórnir aðildarfélaga HSK, deildir aðildarfélaga, sérráð sambandsins og starfsnefndir Skarphéðins geta sótt um styrk úr sjóðnum. Ef félög og nefndir ætla að sækja um styrk úr sjóðnum til fleiri en eins verkefnis þarf að senda sér umsókn fyrir hvert verkefni fyrir sig. Hjálagt er reglugerð um Verkefnasjóðinn, hana er einnig að finna á heimasíðu HSK, slóðin er www.hsk.is. Nánari upplýsingar veitir Engilbert í síma 482 1189 og hsk@hsk.is.