Héraðssambandið Skarphéðinn

Verkefnasjóður HSK

01.10.2021 - 01.10.2021

Á héraðsþingi HSK árið 2017 var reglugerð Verkefnasjóðs HSK breytt og síðan hefur verið úthlutað tvisvar á ári úr sjóðnum. Umsóknir eiga að berast rafrænt á þar til gerðu umsóknareyðublaði á www.hsk.is fyrir 1. apríl eða 1. október ár hvert. Tilgangur Verkefnasjóðsins er að styrkja félags- og íþróttastarf á sambandssvæði HSK, en sjóðurinn veitir ekki styrki til mannvirkjagerðar. Að öðru leyti fer úthlutun úr sjóðnum eftir mati stjórnar sjóðsins. Eingöngu stjórnir aðildarfélaga HSK, deildir aðildarfélaga, sérráð sambandsins og starfsnefndir Skarphéðins geta sótt um styrk úr sjóðnum. Ef félög og nefndir ætla að sækja um styrk úr sjóðnum til fleiri en eins verkefnis þarf að senda sér umsókn fyrir hvert verkefni fyrir sig. Reglugerð um Verkefnasjóðinn má sjá á www.hsk.is. Við fyrri úthlutanir hefur sjóðsstjórn tekið mið af eftirtöldum forsendum: Menntun þjálfara, erlendis 40.000 kr. á einstakling Menntun þjálfara og dómara, innanlands, en þó að hámarki 10.000 kr. á einstakling Nýjungar í starfi/útbreiðsluverkefni/söguritun, að hámarki 40.000 kr. á félag/nefnd/ráð Námskeiðahald, 50 % af útlögðum kostnaði, en þó að hámarki 40.000 kr. á félag/nefnd/ráð Landsliðsval 50.000 kr. á einstakling Afreksstyrkur 120.000 kr. á einstakling Umsóknir vegna landsliðsvals og afreksstyrkja eru teknar fyrir við seinni úthlutun ársins. Taka þarf fram í umsókn hvort sótt sé um afreksstyrk fyrir viðkomandi. Ein af forsendum þess að einstaklingur fái afreksstyrk er að viðkomandi hafi keppt með A landsliði í fullorðinsflokki. Styrkir fyrir landsliðsval eru einnig veittir fyrir val í yngri landslið sérsambanda. Nánari upplýsingar veitir Engilbert í síma 482 1189 og hsk@hsk.is.

Deila