Héraðssambandið Skarphéðinn

Umsóknir í Verkefnasjóð HSK

01.04.2022 - 01.04.2022

Verkefnasjóður HSK úthlutar úr sjóðnum tvisvar á ári. Umsóknir eiga að berast rafrænt á þar til gerðu umsóknareyðublaði á www.hsk.is fyrir 1. apríl eða 1. október ár hvert. Tilgangur Verkefnasjóðsins er að styrkja félags- og íþróttastarf á sambandssvæði HSK, en sjóðurinn veitir ekki styrki til mannvirkjagerðar. Að öðru leyti fer úthlutun úr sjóðnum eftir mati stjórnar sjóðsins. Sjóðsstjórn óskar eftir að umsóknir vegna landsliðsfólks og afreksstyrkja berist ekki fyrr en við seinni úthlutun. Þær umsóknir sem berast fyrir 1. apríl verða teknar fyrir við seinni úthlutun. Eingöngu stjórnir aðildarfélaga HSK, deildir aðildarfélaga, sérráð sambandsins og starfsnefndir Skarphéðins geta sótt um styrk úr sjóðnum. Ef félög og nefndir ætla að sækja um styrk úr sjóðnum til fleiri en eins verkefnis þarf að senda sér umsókn fyrir hvert verkefni fyrir sig. Reglugerð um Verkefnasjóðinn má sjá á heimasíðu HSK, slóðin er www.hsk.is. Nánari upplýsingar í síma 482 1189 og hsk@hsk.is.