Héraðssambandið Skarphéðinn

Reglugerð um héraðsmót HSK í glímu

1. grein:

Héraðsmót HSK í glímu er keppni milli aðildarfélaga HSK í glímu. Úrslit skulu færð á heildarstigatöflu HSK samkvæmt samþykktum héraðsþings HSK. Keppni í einstökum flokkum er jafnframt einstaklingakeppni um héraðsmeistaratitil HSK í viðkomandi flokki.

2. grein:

Glímuráð HSK skal árlega haldaeftirtalin héraðsmót og skal keppt í eftirtöldum flokkum innan viðkomandi móts. a) Héraðsmót karla: Keppnisflokkar: Karlaflokkur 21 árs og eldri. b) Héraðsmót kvenna: Keppnisflokkar: Kvennaflokkur 17 ára og eldri. c) Héraðsmót stúlkna: Keppnisflokkar: Stúlkur 11 - 16 ára. d) Héraðsmót drengja: Keppnisflokkar: Drengir 11 - 20 ára

3. grein:

Engar hömlur eru settar á fjölda keppenda frá hverju félagi í einstökum keppnisflokkum.

4. grein:

Keppendum í flokki meyja 15 - 16 ára og flokki unglinga 17 - 20 ára er heimilt að keppa upp fyrir sig í aldri um einn flokk.

5. grein:

Glímuráð HSK sér um framkvæmd héraðsmóta, tilnefnir dómara og starfsmenn og útvegar verðlaun. Ráðið sér einnig um að koma úrslitum á framfæri við fjölmiðla og skila skýrslum um það til HSK og GLÍ.

6. grein:

Glímuráð HSK tilkynnir aðildarfélögum hvar og hvenær mótin eru haldin með minnst mánaðar fyrirvara og ákveður hvenær skráningarfrestur rennur út. Glímuráði er heimilt að fela aðildarfélögum ráðsins að framkvæma héraðsmótin. ( sbr. 5. grein laga um héraðsmót HSK)

7. grein:

Sex fyrstu í hverjum aldursflokki fá stig fyrir sitt félag. 1. sæti gefur 6stig, 2. sæti 5 stig o.s.frv. Það félag sem fær flest stig sigrar á viðkomandi móti. Verði félög jöfn að stigum í efsta sæti deila þau verðlaunum.

8. grein:

Þrír fyrstu úr hverjum aldursflokki fáverðlaunapening. Auk þess eru veittir eftirfarandi farandgripir og gilda um þá reglur um farandgripi HSK, nema Skarphéðinsskjöldurinn og Bergþóruskjöldinn. sem er veittir fyrir sigur í karla- og kvennaflokki og vinnst ekki til eignar. a) Héraðsmót karla: Stigahæsta félag. b) Héraðsmót kvenna: Stigahæsta félag. c) Héraðsmót stúlkna: Stigahæsta félag. d) Héraðsmót drengja: Stigahæsta félag. e) Skarphéðinsskjöldurinn: Veittur þeim sem sigrar í karlaflokki. f) Bergþóruskjöldurinn: Veittur þeim sem sigrar í kvennaflokki.

9. grein:

Keppt skal eftir reglum Glímusambands Íslands.

10. grein:

Reglugerð þessari er aðeins hægt að breyta á aðalfundi Glímuráðs HSK. (Samþykkt á aðalfundi Glímuráðs HSK 7. júni 2001

Tilbaka