Héraðssambandið Skarphéðinn

8. maí 2013

Undirbúningur frjálsíþróttaliðs HSK fyrir Landsmót UMFÍ

Sá er þetta ritar hefur tekið að sér að undirbúa keppnislið HSK í frjálsíþróttum sem taka mun þátt í Landsmóti UMFÍ á Selfossi 4. – 7. júlí nk.

Það verður tekið vel á því fram á landsmóti hvað varðar æfingar og hópefli. Fyrsta formlega æfingin fór fram á kosningadaginn á Selfossvelli og var ágæt mæting eða 15 manns og gekk æfingin vel. Farið var í hlaup, stökk og köst.

Ætlunin er að halda liðsfund að loknu Vormóti HSK sem verður á Hvítasunnudag, 19. maí kl. 13:00 (fundurinn ca. 15:30). Svo eru á dagsrkánni tvær æfingar í júní, miðvikudaginn 5. júní kl. 18:00 - 20:00 og þriðjudaginn 25. júní á sama tíma. Þarna á milli er t.d. héraðsmót HSK í frjálsum 18. - 19. júní og er það viðburður sem liðstjóri horfir í við endanlegt val í Landsmótsslið. Síðan er ætlunin að hittast á stuttum peppfundi þriðujudagskvöldið 2. júlí, að lokinni æfingu, og taka síðasta pepp fyrir Landsmót. Það eru um 50 manns í Landsmótsliðsdrögum sem undirrtaður er nýbúinn að taka saman. Hópurinn samanstendur af ungum og efnilegum einstaklingum sem og af reynslumeira fólki sem án efa peppar hópinn. Þessir einstaklingar hafa allir fengið boð um þátttöku í landsmótshópi HSK.

Markmiðið er skýrt fyrir frjálsíþrottakeppni Landsmótsins; það er sigur í stigakeppninni í frjálsum. Svo verður að koma í ljóst hvort það tekst eður ei.

En sem sagt spennandi tveir mánuðir framundan í undirbúningi fyrir Landsmót UMFÍ 4. -7. júlí í sumar.

Ólafur Guðmundsson,

liðstjóri frjálsíþróttaliðs HSK.