Héraðssambandið Skarphéðinn

13. maí 2019

Verkefnið hjólað í vinnuna hafið

Verkefnið Hjólað í vinnuna er hafið í sautjanda sinn, en setningarhátíð verkefnisins fór fram í Fjölskyldu- og húsdýragarðinum í Laugardal í blíðskaparveðri í vikunni. Góð mæting var og má finna myndir frá setningunni hér https://myndir.isi.is/Almenningsithrottir/Hj%C3%B3la%C3%B0-%C3%AD-vinnuna/2019/

Verkefnið, sem stendur í þrjár vikur dagana 8. – 28. maí, höfðar til starfsfólks á vinnustöðum landsins. Undanfarinn áratug hefur orðið gríðarleg vakning á hjólreiðum sem heilsusamlegum samgönguvalkosti. Ætla má að margir þátttakendur hafi tekið hjólreiðar upp sem lífstíl í framhaldi af þátttöku sinni í verkefninu. Í

Meginmarkmið Hjólað í vinnuna er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta. Þátttakendur eru hvattir til þess að hjóla, ganga, hlaupa eða nýta annan virkan ferðamáta til og frá vinnu. Keppt er um fjölda þátttökudaga en lið geta jafnframt skráð sig í kílómetrakeppnina þar sem keppt er um heildarfjölda kílómetra. Allar upplýsingar um Hjólað í vinnuna er að finna á www.hjoladivinnuna.is.

Vinnustaðir á Suðurlandi eru hvattir til að taka þátt í verkefninu.

Deila

Tilbaka