Héraðssambandið Skarphéðinn

6. nóvember 2019

Níu lið mættu á hraðmót kvenna í blaki

Hraðmót HSK í blaki kvenna fór fram miðvikudaginn 30. október á Laugarvatni. 9 lið voru skráð til leiks frá fjórum félögum innan HSK, Dímon/Hekla með þrjú lið, Hamar með tvö lið, UMFL með tvö lið og Hrunakonur tvö. Aldursbilið var þó nokkuð á yngsta og elsta þátttakanda, líklega hátt í 40 ár og gaman að sjá að töluvert er af nýliðum hjá öllum liðum.

Keppt var í tveimur riðlum þar sem allir spiluðu við alla og svo endað á að spila einföld úrslit milli riðla. Þátttakendur hjálpuðust að við ritarastörf og dómgæslu og gekk mótið smurt fyrir sig. Þó nokkuð var um jafna leiki og þurfti stigahlutfall að skera úr um einhver sæti innan riðlanna. Úrslitaleikirnir um sætaröðun í mótinu voru skemmtilegir og hart barist. Leikurinn um 1. sætið var mjög skemmtilegur áhorfs og spennandi. Hamar Skutlur og Dímon/Hekla Yngri börðust um titilinn og fór svo að Hamar Skutlur höfðu sigur, 21-20 og 21-17.

Heildarúrslit 2019:

1. Hamar Skutlur

2. Dímon/Hekla Yngri

3. Dímon/Hekla Ungar

4. Hrunakonur 1

5. Hrunakonur A

6. UMFL 1

7. Dímon/Hekla Yngstar

8. Hamar Skvísur

9. UMFL 2

Mynd: Dímon/Hekla sendi þrjú lið til leiks

Deila