Héraðssambandið Skarphéðinn

26. maí 2020

Héraðsleikar og Aldursflokkamót HSK sunnudaginn 14. júní nk.

Héraðsleikar og Aldursflokkamót HSK verða haldin í Þorlákshöfn sunnudaginn 14. júní. Keppt verður í frjálsíþróttum í flokkum 14 ára og yngri. Héraðsleikarnir eru fyrir 10 ára og yngri og aldursflokkamótið er fyrir 11 - 14 ára. Þetta eru tvö aðskilin mót þó þau fari fram á sama keppnisdegi.

Keppni hefst kl. 10:00 á sunnudeginum og stendur til kl. 15:00. Keppendum er ekki heimilt að keppa upp fyrir sig í aldri nema í boðhlaupi. Tímaseðil má sjá á mótaforritinu Þór, á www.fri.is þegar nær dregur en frjálsíþróttaráð áskilur sér rétt til að breita tímaseðli þegar fjöldi þátttakenda er kominn í ljós.

Keppnisgreinar:

Aldursflokkamót HSK

Stúlkur og piltar 14 ára: 100 m hlaup - 600 m hlaup - 4x100 m boðhlaup - langstökk - hástökk - kúluvarp – spjótkast – 80m grindahlaup.

Stúlkur og piltar 13 ára: 100 m hlaup - 600 m hlaup - langstökk - hástökk - kúluvarp – spjótkast -80m grindahlaup.

Stúlkur og piltar 12 ára: 60 m hlaup - 600 m hlaup - langstökk - hástökk – kúluvarp – spjótkast- 60m grindahlaup.

Stúlkur og piltar 11 ára: 60 m hlaup - 600 m hlaup - langstökk - hástökk – kúluvarp – spjótkast.

Héraðsleikar HSK

Stúlkur og piltar 10 ára: 60 m - 400 m- langstökk - kúluvarp- hástökk.

Stúlkur og piltar 9 ára og yngri: 60 m – 400m- langstökk

Verðlaun á héraðsleikum og aldursflokkamóti

Verðlaunapeningar verða veittir fyrir þrjú fyrstu sætin í hverri keppnisgrein á aldursflokkamótinu í frjálsum. Á héraðsl ikunum fá allir þátttakendur viðurkenningu fyrir þátttökuna. Einnig verður veitt viðurkenning fyrir sigur í stigakeppni félaga á aldursflokkamótinu.

Skráningarfrestur

Skráningarfrestur á mótið er til kl. 23:00 föstudaginn 12. júní nk. Mikilvægt er að skila fyrir þann tíma. Skráningar berist beint inn á mótaforritið Þór á heimasíðu FRÍ, http://www.fri.is.

Starfsmenn félaga

Samkvæmt reglugerð um héraðsmót í frjálsíþróttum skiptir stjórn frjálsíþróttaráðs greinum á milli þátttökufélaga.

Varúðarráðstafanir vegna COVID-19

Ekki mega fleiri en 200 fullorðnir einstaklingar vera staddir á mótinu í einu svo við óskum eftir því að ekki mæti fleiri en tveir fullorðnir aðstandendur á svæðið með hverjum keppanda.
Virðum fjarlægðartakmarkanir gagnvart þeim sem það vilja.
Verðlaunapeningar verða ekki hengdir um háls keppenda heldur verða þeim réttir peningarnir og þeir geta svo sjálfir hengt þá um hálsinn. Ekki verður tekið í hendur keppenda á verðlaunapalli.
Hugum að persónulegum sóttvörnum og njótum dagsins.

odt Bodsbref_heradsl.og.aldurflm_uti_2020.odt

Deila

Tilbaka