Héraðssambandið Skarphéðinn

20. nóvember 2020

Umf. Framtíðin er 100 ára í dag

Umf. Framtíðin er 100 ára í dag, en félagið var stofnað 20. nóvember árið 1920. Félagið er eitt aðildarfélaga HSK og starfssvæði félagsins er innan Djúpárhrepps. Sá hreppur varð hluti af Rangárþingi ytra árið 2002.

Félagsmenn eru 83 talsins og núverandi formaður félagsins er Lilja Guðnadóttir í Hrauk í Þykkvabæ.

Þess má geta að 12 önnur félög, sem nú eiga aðild að HSK, hafa náð 100 ára aldri. Elsta félagið innan HSK er Umf. Hvöt í Grímsnes- og Grafningshreppi, en það félag var stofnað 22. desember árið 1907.

HSK óskar félaginu til hamingju með afmælið. Vegna samgöngutakmarkana verða engin hátíðarhöld í dag.

Deila

Tilbaka