Héraðssambandið Skarphéðinn

8. janúar 2021

Tilslakanir boðaðar á takmörkunum á samkomum frá og með 13. janúar

Heilbrigðisráðneytið hefur nú birt frétt um tilskakanir á takmörkunum á samkomum, frá og með 13. janúar nk. Sá fyrirvari er þó á tilslökunum að þróun faraldursins verði ekki á verri veg. Helstu breytingar varðandi íþróttastarfið eru eftirfarandi:

Íþróttaæfingar:

Íþróttaæfingar barna og fullorðinna verða heimilar með og án snertingar innan- og utandyra. Ekki mega vera fleiri en 50 manns í rými.

Íþróttakeppnir:

Íþróttakeppnir barna og fullorðinna verða heimilar en án áhorfenda.

Skíðasvæði:

Skíðasvæðum verður heimilt að hafa opið með takmörkunum samkvæmt reglu 4 í útgefnum reglum skíðasvæðanna í landinu. Í skíðalyftum skal tryggt að þeir sem eru einir á ferð þurfi ekki að deila lyftustól með öðrum, halda skal tveggja metra nálægðarmörk og sömu reglur gilda um grímunotkun og annars staðar.

Fréttina í heild sinni er að finna hér.

Fréttinni fylgdi minnisblað sóttvarnarlæknis, dags. 7. janúar 2021.

Beðið er eftir birtingu reglugerðar heilbrigðisráðuneytisins en hún mun verða birt innan skamms.

Deila

Tilbaka