Héraðssambandið Skarphéðinn

15. apríl 2021

99. héraðsþing HSK haldið sem fjarfundur 29. apríl 2021

99. héraðsþing HSK verður haldið á netinu sem fjarfundur fimmtudaginn 29. apríl nk. og hefst stundvíslega kl. 17:00. Áætluð þingslit eru kl. 18:30.

Þar sem aðeins 20 manns mega koma saman næstu þrjár vikurnar er ljóst að við verðum að halda þingið á netinu, en sá möguleiki var boðaður í bréfi frá HSK frá 6. apríl sl.

Stjórn HSK leggur fram tillögu á þinginu varðandi mætingu, m.t.t. lottótekna. Þar er lagt til að félög og ráð fái óskertar lottótekjur að því gefnu að þau sendi einn fulltrúa. Heimilt er að senda fleiri.

Stjórn HSK mun leggja fram nokkrar tillögur á þinginu, sem má nálgast hér á heimasíðunni. Tillaga kjörnefndar að nefndar- og stjórnarskipan 2021 er ekki tilbúin.

Félög og ráð þurfa að senda kjörbréf með nöfnum þingfulltrúa á netfangið hsk@hsk.is fyrir kl. 12:00 miðvikudaginn 28. apríl. Kjörbréfið má nálgast hér á heimasíðunni, undir liðnum viðburðir.

Félög og ráð bera ábyrgð á að boða sinn/sína fulltrúa og þau skulu senda slóð á netfundinn til þeirra. Slóðin verður send á netfang félags og/eða formanns þegar nær dregur. Beðið verður um staðfestingu á móttöku vefslóðar þegar þar að kemur.

Stjórn HSK vonast eftir að félög og ráð sendi fulltrúa á þingið.

Deila

Tilbaka