Héraðssambandið Skarphéðinn

18. maí 2021

Viltu vinna hjá HSK í sumar?

HSK er um þessar mundir að auglýsa spennandi starf fyrir námsmann í sumar. Þetta er liður í átaki stjórnvalda að skapa námsmönnum störf í sumar. Ráðningatíminn er tveir og hálfur mánuður.

Héraðssambandið Skarphéðinn (HSK) eru samtök 58 íþrótta- og ungmennafélaga á Suðurlandi og skrifstofa sambandsins er á Selfossi. Leitað er eftir háskólanema í fjölbreytt íþróttatengd verkefni og ýmis tilfallandi störf. Meðal verkefna er undirbúningur og framkvæmd íþróttamóta, þar sem stærsta verkefnið er framkvæmd Unglingalandsmóts UMFÍ um verslunarmannahelgina.

Nám í íþróttafræðum og/eða viðburðastjórnun kostur. Farið er fram á að viðkomandi hafi þekkingu á íþróttum og hafi tekið þátt í starfi íþróttahreyfingarinnar með einhverjum hætti.

Umsóknir berist fyrir 25. maí á vef Vinnumálastofnunnar, Umsóknir um sumarstörf | Vinnumálastofnun (vinnumalastofnun.is)

Svona eru skilyrðin fyrir umsókn

Þú þarft að vera 18 ára á árinu eða eldri til að geta sótt um sumarstörf.

Þú þarft að vera námsmaður að vori 2021 og/eða hausti 2021.

Þú þarft að skila staðfestingu til atvinnurekanda frá skóla að þú sért í námi.

Fara á vef Vinnumálastofnunar, skoða störfin og sækja um!

Deila

Tilbaka