Héraðssambandið Skarphéðinn

20. október 2021

Suðurlandsmót í boccia, starfsmenn vantar

Suðurlandsmót í boccia verður haldið laugardaginn 23. október í Iðu og Íþróttahúsi Vallaskóla. Vegna utanaðkomandi aðstæðna vantar sárlega fleiri dómara og ritara á mótið. Um er að ræða ca 2 klst. - 4 klst. Dómaranámskeið fyrir þá sem ekki kunna reglurnar verður í Íþr.h. Vallaskóla kl. 18.10-19.10 á fimmtudaginn.

Íþróttafélagið Suðri óskar eftir fólki til að aðstoða við sérlega skemmtilegt verkefni.

Þeir sem hafa áhuga á að hjálpa til hafi samband við Ófeig Á. Leifsson í síma 8493845 eða á netfangið gauksrimi10@simnet.is

Þessa helgi var fyrirhugað Íslandsmót í boccia á vegum Íþróttasambands fatlaðra og Íþróttafélagsins Suðra. Vegna Covid var ákveðið að fella það niður en halda í staðinn tvö mót, annars vegar á Norðurlandi og hins vegar á Suðurlandi. Á Suðurlandsmótinu verða keppendur af Suðvesturhorni landsins og Vestfjörðum. Keppendur eru 110 og að auki eru fjöldi annarra sem koma að mótinu, aðstoðarfólk, dómarar og fleiri þannig að hátt í 200 manns verða hér í bæ á vegum þessa móts. Mótið hefst klukkan 10 á laugardag og lýkur um kl. 19.

Við hvetum fólk til að kíkja við og fylgjast með spennandi og skemmtilegri keppni.

Deila

Tilbaka