Héraðssambandið Skarphéðinn

8. nóvember 2021

Hertar sóttvarnaraðgerðir taka gildi

Vegna fjölda smita í samfélaginu undanfarna daga er verið að herða á samkomutakmörkunum á ný. Á miðnætti á föstudag tók gildi reglugerð um grímunotkun en frá og með miðvikudeginum 10. nóvember breytast samkomutakmarkanir.

Í stuttu máli eru aðgerðirnar sem snerta íþróttastarf eftirfarandi:

Grímuskylda: Á miðnætti tók gildi reglugerð um grímunotkun. Skylt er að bera grímu þar sem ekki er hægt að viðhafa 1 metra nálægðarmörk. Sem fyrr þarf ekki að bera grímu við íþróttaiðkunina sjálfa en áhorfendum ber að nota grímu. Börn 15 ára og yngri eru undanþegin grímunotkun.

Samkomutakmarkanir: Fjöldatakmarkanir verða 500 manns. Á viðburðum þar sem hraðprófa verður krafist verður heimilt að halda viðburði fyrir allt að 1.500 manns. Gestum á slíkum viðburðum ber að nota grímu þar sem ekki er hægt að viðhafa 1 metra fjarlægð frá ótengdum aðilum.

Sjá frétt á vef heilbrigðisráðuneytis.

Athugið að beðið er eftir að reglugerðirnar verði birtar til að sjá nánari útfærslu á reglunum.

Deila

Tilbaka