Héraðssambandið Skarphéðinn

11. nóvember 2021

Guðríður formaður HSK hlýtur hvatningarverðlaun

Guðríður Aadnegard, formaður Héraðsambandsins Skarphéðins, hlaut í vikunni hvatningarverðlaun Dags gegn einelti. Forseti Íslands, Guðni Th. Jóhannesson og Lilja Alfreðsdóttir mennta- og menningarmálaráðherra afhentu Guðríði verðlaunin við hátíðlega athöfn í Rimaskóla.
Við afhendinguna kom fram að Guðríður hafi verið valin vegna þess ómetanlega starfs sem hún hafi unnið í eineltismálum undanfarin ár. Hún sé góð fyrirmynd fyrir aðra kennara þegar kemur að samskiptamálum nemenda. Hún hafi í gegnum tíðina látið málefni nemenda sig sérstaklega varða og nálgast þau af mikilli hlýju og virðingu.

Þá hafi Guðríður einnig látið til sín taka á vettvangi íþrótta þar sem hún starfaði í broddi fylkingar hjá HSK, UMFÍ og ÍSÍ. Þar hafi hún sem fyrr ávallt haft hag iðkenda að leiðarljósi og lagt ríka áherslu á góð samskipti innan vallar sem utan.

HSK félagar óska Guju hjartanlega til hamingju með verðskuldaða viðurkenningu.

Deila

Tilbaka