Héraðssambandið Skarphéðinn

19. júlí 2022

Skráningar á Unglingalandsmót UMFÍ berist fyrir miðnætti á sunnudag

Skráning á Unglingalandsmót UMFÍ stendur yfir og þurfa skráningar að berast fyrir miðnætti á sunnudag. Mótið fer fram á Selfossi um verslunarmannahelgina og verður keppt í 24 íþróttagreinum á mótinu í flokkum 11 – 18 ára.

Skráning á Unglingalandsmót UMFÍ er í tveimur liðum. Fyrst er greitt þátttökugjald eftir því hvaða íþróttahéraði þátttakandi tilheyrir. Einnig er hægt að skrá sig án íþróttahéraðs/félags. Athugið að sum íþróttahéruð/félög niðurgreiða þátttökugjald að hluta eða öllu leyti fyrir þátttakendur á sínu svæði.

Smelltu HÉR til þess að greiða þátttökugjald.

Þegar búið er að greiða þátttökugjaldið er gengið frá skráningu í einstakar greinar með því að smella HÉR.
Skráningargjald á Unglingalandsmót UMFÍ á Selfossi er 8.500 krónur og geta allir sem vilja skráð sig til leiks. Greiða þarf gjaldið til að geta klárað skráningu. Aðrir mótsgestir greiða ekkert gjald en geta þó tekið þátt í fjölbreyttri afþreyingu og verkefnum sem boðið er upp á.

Inni í skráningargjaldinu getur þátttakandi skráð sig í eins margar greinar og hann vill, fjölskyldan tjaldað og allir farið saman á tónleika á kvöldin á meðan Unglingalandsmóti UMFÍ stendur.

Ítarlegri upplýsingar, dagskráin og skráning er á slóðinni: www.ulm.is

Deila

Tilbaka