Héraðssambandið Skarphéðinn

Ferðasjóður íþróttafélaga

09.01.2023 - 09.01.2023

Minnt er á að umsóknarsvæði Ferðasjóðs íþróttafélaga er opið fyrir umsóknir um styrki vegna keppniferða innanlands á fyrirfram skilgreind styrkhæf mót ársins 2022. Umsóknarfrestur er til miðnættis 9. janúar 2023. Íþrótta og ungmennafélög geta stofnað strax umsókn og skráð inn í hana ferðir jafn óðum og þær hafa verið farnar, til að létta sér skráningarvinnu umsókna í árslok. Á hverju ári er stofnuð ný umsókn í kerfinu og við það stofnast vefslóð sem viðkomandi fær senda í tölvupósti og gildir sem lykill inn í viðkomandi umsókn þar til hún hefur verið send í gegnum kerfið í lok umsóknartímabilsins eða þegar viðkomandi félag hefur skráð allar þær ferðir sem farnar eru á styrkhæf mót innanlands það árið. Upplýsingasíða um sjóðinn. Umsóknarsvæði Ferðasjóðs íþróttafélaga. Þegar komið er inn á svæðið smellið þá á Sækja um ferðastyrk sem er ofarlega á síðunni. Þegar búið er að fylla út reitina í skemanu og ýta á Stofna, þá er hægt að fara að skrá ferðirnar. Vefslóð hefur þá líka verið send á skráð netfang tengiliðar og þarf stofnandi umsóknar að muna að gæta vel að vefslóðinni því hún er lykillinn inn á umsóknina út umsóknarferlið. Í hópíþróttagreinum eru einungis Íslandsmót styrkhæf en í einstaklingsíþróttagreinum eru einnig mótaraðir sem gefa stig til Íslandsmeistaratitils, bikarmót og meistaramót styrkhæf. Mótalisti hverrar íþróttar birtist um leið og umsókn hefur verið stofnuð og viðkomandi íþróttagrein valin. Ef eitthvað er óljóst þá endilega sendið póst á undirritaða. Endilega verið dugleg að láta félögin innan ykkar vébanda vita af ofangreindu og hvetjið þau til að sækja um í sjóðinn vegna þeirra ferða sem þar falla undir. Frétt um málið á heimasíðu ÍSÍ, sem hægt er að deila.

Deila