Héraðssambandið Skarphéðinn

Reglugerð um hérðaðsmót í karate

1. gr.

Keppt skal í þessum greinum:

1. Kata barna, 7 - 11 ára (óháð kyni).
2. Kata unglinga, 12 - 14 ára.
3. Kata unglinga 15 - 16 ára.
4. Kata fullorðinna, 17 ára og eldri.
5. Kumite unglinga 12 - 14 ára.
6. Kumite unglinga 15 - 16 ára.
7. Kumite fullorðinna, 17 ára og eldri.
8. Hópkata unglinga, 12 - 16 ára, ef 2 lið eða fleiri (3 manna).
9. Hópkata fullorðinna, ef tvö lið eða fleiri (3 manna).
Séu stúlkur í hópi keppenda í unglingaflokkum eða fullorðinsflokkum þrjár eða fleiri skal unglingaflokkum skipt í: a) Drengjaflokk. b) Stúlknaflokk. Flokki fullorðinna skal þá skipt í: a) Karlaflokk. b) Kvennaflokk. Þetta gildir aðeins um liði nr. 2 - 7. 2. gr. Við skráningu þátttakenda skal miða við fæðingarár. Þátttaka skal tilkynnast karatenefnd í síðasta lagi 10 dögum fyrir mót.

3. gr.

Til stiga skulu allar greinar sem taldar eru í 1. gr. Fyrir stigagjöf gilda reglur HSK.

4. gr.

Karatenefnd ákveður hverju sinni hvort notað skuli útsláttarfyrirkomulag í kumite eða stigakeppni, þar sem allir keppa við alla. Er þá tekið tillit til þátttakendafjölda.

5. gr.

Dómarar skulu vera viðurkenndir af Karatesambandi Íslands.

6. gr.

Keppnisgjald er samkvæmt ákvörðun HSK-þings og skal það afgreitt áður en mót hefst.

7. gr.

Karatenefnd sér um framkvæmd mótsins og tekur aðrar viðeigandi ákvarðanir. Að öðru leyti skal farið eftir reglum HSK og KAÍ.

(Samþykkt á stjórnarfundi HSK 28. apríl 1988, samkvæmt ákvörðun héraðsþings)

Tilbaka