Héraðssambandið Skarphéðinn

Reglugerð fyrir kjör íþróttamanns HSK

Reglugerð um kjör á Íþróttamanni HSK

1.gr.

HSK mun framvegis verðlauna íþróttakarl HSK og íþróttakonu HSK.

2.gr.

Íþróttanefndir og sérráð HSK skulu skila tilnefningum til stjórnar HSK eigi síðar en 31. desember, ásamt mynd af viðkomandi.

3.gr.

Nefndir og ráð tilnefna bæði íþróttakarl og íþróttakonu í viðkomandi grein. Forsenda þess er að greinin hafi verið stunduð af báðum kynjum og að keppendur viðkomandi greinar hafi verið að ná árangri sem verðskuldar slíka viðurkenningu. Íþróttafólk verður að hafa náð 16 ára aldri, sbr. ákvæði í stefnu ÍSÍ um íþróttir barna og unglinga. Skilyrði fyrir tilnefningu er að íþróttamaður hafi verið löglegur keppandi í aðildarfélagi HSK þegar árangur náðist. Með tilnefningu fylgi greinargerð um íþróttalegan árangur á árinu svo sem met o. fl.

4.gr.

Skili íþróttanefnd eða sérráð ekki tilnefningu á réttum tíma er stjórn HSK heimilt að tilnefna íþróttakarl og íþróttakonu í viðkomandi grein, þannig að þau komi til álita við kjörið. Stjórn HSK er heimilt að tilnefna íþróttafólk í þeim greinum þar sem nefndir og ráð eru ekki starfandi.

5.gr.

Stjórn HSK skal árlega skipa fimm manna valnefnd sem velur íþróttakarl og íþróttakonu HSK, úr röðum þeirra sem tilnefndir eru hjá nefndum og ráðum.

6.gr.

Formleg útnefning íþróttakarls og íþróttakonu HSK fer fram á héraðsþingi ár hvert. Framkvæmdastjórn eða stjórn HSK sé falið að koma viðurkenningum til allra tilnefndra íþróttamanna frá nefndum eða sérráðum.

7.gr.

Með reglugerð þessari eru aðrar reglur um kjör íþróttamanns HSK úr gildi fallnar.

(Samþykkt á héraðsþingi HSK 2018)

Tilbaka