Héraðssambandið Skarphéðinn

27. júní 2025

Landsmót UMFÍ 50+ haldið í Fjallabyggð um helgina

35 keppendur af sambandssvæði HSK eru skráðir til leiks á Landsmót UMFÍ 50+ sem haldið er í Fjallabyggð um helgina. Mótið hófst með keppni í boccía klukkan níu í morgun og mun keppnin standa yfir í allan dag, en í kringum 30 lið eru skráð til leiks af öllu landinu. Margt fleira er á dagskrá landsmótsins í dag. Klukkan 18:00 verður haldið götuhlaup á gamla íþróttasvæði Ungmenna- og íþróttasambands Fjallabyggðar og á sama tíma hefst keppni í ringó, sem er önnur fjölmenn grein. Þar eru tvær sveitir skráðar frá HSK.

Mótið verður sett með formlegum hætti klukkan 21 í kvöld og mun Halla Tómasdóttir, forseti Íslands, og Björn Skúlason, maður hennar, heiðra mótið með nærveru sinni.

Nánari upplýsngar um mótið, s.s. dagskrá, keppnisgreinar, tímaseðla og úrslit má sjá á https://www.umfi.is/vidburdir/landsmot-umfi-50plus/

Hér er hægt að nálgast mótaskrá Landsmótsins:

Mótaskrá Landsmóts UMFÍ 50+ 2025

Mynd: Frá keppni í boccia hófst í morgun.

Deila

Tilbaka