Héraðssambandið Skarphéðinn

15. ágúst 2025

Meistaramót Íslands í frjálsum haldið á Selfossi

Frjálsíþróttaráð HSK býður til Meistaramóts Íslands utanhúss í ár og fer mótið fram á Selfossvelli helgina 22.-24. ágúst nk. Íslandsmót fatlaðra í frjálsíþróttum fer fram samhliða mótinu.

Frjálsíþróttaráð HSK er þessa dagana að undirbúa mótin og hefur Ólafur Guðmundsson tekið að sér að fá sjálfboðaliða til starfa í hin ýmsu störf. Þeir sem eru tilbúnir að aðstoða ráðið og afla tekna fyrir sitt félag í leiðinni eru beðnir að hafa samband við Óla í síma 867 7755 eða á samfélagsmiðlum.

Búast má við hörkukeppni í mörgum greinum, en keppt verður um Íslandsmeistaratitla karla og kvenna í 19 greinum. Þær eru 100m, 200m, 400m, 800m, 1500m, 5000m, 3000m hrindrun, 100/110m grind, 400m grind, hástökk, langstökk, þrístökk, stangarstökk, kringlukast, spjótkast, sleggjukast, kúluvarp, 4x100m boðhlaup og 4x400m boðhlaup. Drög að tímaseðli er að finna í ÞÓR, mótaforriti FRÍ, en endanlegur tímaseðill verður birtur 20. ágúst. Nánari upplýsingar má sjá á www.fri.is.

Verið velkomin í stúkuna að fylgjast með okkar fremsta frjálsíþróttafólki og það kostar ekkert að mæta á völlinn.

Mynd: Það þarf marga sjálfboðaliða til starfa á meistaramótin tvö um aðra helgi.

Deila

Tilbaka