Héraðssambandið Skarphéðinn

1. október 2025

Góð mæting félaga á fund í Þorlákshöfn

Fyrsti fundur stjórnar HSK af fjórum með fulltrúum aðildarfélaga og sveitarfélaga var haldinn í Þorlákshöfn sl. mánudag. Á fundinn voru boðaðir fulltrúar frá Sveitarfélaginu Ölfusi og Hveragerðisbæ og einnig forystufólk aðildarfélaga HSK sem starfandi eru í þessum sveitarfélögum.

Rúmlega 20 manns mættu á fundinn frá sjö af átta félögum sem fengu boð um að mæta. Þá mættu einnig fulltrúar frá Sveitarfélaginu Ölfusi, auk formanns, varaformanns, gjaldkera og framkvæmdastjóra HSK.

Fundurinn var hugsaður sem samráðs- og upplýsingafundur og segja má að það hafi gengið eftir, en góðar umræður urðu um málefni hreyfingarinnar í dag. Nefnt var í lok fundar að full þörf væri að halda fundi sem þessa oftar.

Á næstu mánuðum verða svo haldnir sambærilegir fundir í Rangárþingi, Flóanum og uppsveitum Árnessýslu.

Mynd: Formenn aðildarfélaga í Hveragerði og Ölfusi sem mættu á fundinn, ásamt formanni og varaformanni HSK.

Deila

Tilbaka