Héraðssambandið Skarphéðinn

3. febrúar 2026

Lífshlaupið hafið

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna er hafið og stendur til 28. Febrúar. Markmið þess er að sporna við kyrrsetu og hvetja landsmenn til þess að hreyfa sig meira í sínu daglega lífi.

Ætlar þinn vinnustaður ekki að vera með? Vinnustaðakeppni stendur yfir frá 1. - 28. febrúar, grunnskólakeppni fyrir 15 ára og yngri stendur yfir í tvær vikur í febrúar, framhaldsskólakeppni fyrir 16 ára og eldri stendur yfir í tvær vikur í febrúar og hreystihópar 60+ keppnin stendur yfir frá 1. - 28. febrúar

Skrá má alla hreyfingu sem nær minnst 30 mínútum samtals á dag hjá fullorðnum og minnst 60 mínútum samtals á dag hjá börnum og unglingum. Tímanum má skipta upp í nokkur styttri tímabil yfir daginn s.s. 10 til 15 mín í senn.Vinnustaðir, skólar og hreystihópar eru hvattir til að taka þátt

Skráningarlinkur
Skráningarferlið er einfalt og fínar leiðbeiningar má finna hé r. Leiðbeiningar á ensku eru hér
Hér eru myndir, plakat og markaðsefni fyrir samfélagsmiðla, bæði á íslensku og ensku.
Hér má annars finna allt um Lífshlaupið og keppnisflokka.