Héraðssambandið Skarphéðinn

20. febrúar 2026

Opið fyrir umsóknir í Hvatasjóð íþróttahreyfingarinnar

Opið er fyrir umsóknir í Hvatasjóð íþróttahreyfingarinnar og verður hægt að senda inn umsóknir í sjóðinn til 15. mars næstkomandi. Þetta er fyrsti umsóknarfrestur ársins 2026.

Sjóðurinn tók til starfa á síðasta ári. Þá hlutu 154 verkefni styrk upp á samtals 86,6 milljónir króna.

Hvatasjóðurinn styrkir verkefni sem stuðla að útbreiðslu íþróttastarfs og þátttöku allra barna. Sérstök áhersla er á verkefni sem tengjast börnum með fatlanir, börnum frá tekjulægri heimilum og börnum með fjölbreyttan menningar- og tungumálabakgrunn.

Í Hvatasjóð íþróttahreyfingarinnar geta eftirtaldir aðilar innan ÍSÍ og UMFÍ sótt um:

Íþróttahéruð.
Íþróttafélög og/eða deildir þeirra.
Sérsambönd í samstarfi við íþróttahéruð, félög og/eða deildir félaga.

Hvatasjóður íþróttahreyfingarinnar er sjóður á vegum ÍSÍ og UMFÍ með stuðningi Mennta- og barnamálaráðuneytis.

Hvað styrkir sjóðurinn?

Hvatasjóðurinn veitir styrki til verkefna sem:

Auka útbreiðslu og þátttöku barna í íþróttum.
Efla þátttöku barna með fötlun.
Efla þátttöku barna frá tekjulægri heimilum.
Efla þátttöku barna með fjölbreyttan tungumála- og menningarbakgrunn.

Hvað á umsóknin innihalda?

Í umsókn skal meðal annars tilgreina:

Lýsingu á verkefninu og markmiðum þess.
Rökstuðning fyrir áhrifum verkefnisins á viðkomandi svæði.
Tíma- og verkáætlun.
Fjárhagsáætlun verkefnisins.

Stuðlaðu að aukinni þátttöku allra barna í íþróttum – sæktu um í dag!

Hér má finna úthlutunarreglur sjóðsins!

Úthlutunarreglur

Senda inn umsókn hér

Deila