Héraðssambandið Skarphéðinn

22. apríl 2026

Samtal við ungt fólk á Suðurlandi á föstudag

Svæðisbundinn samráðsfundur verður haldinn á Suðurlandi þann 24. apríl 2026 kl. 13:00- 15:00 í sal Fjölbrautaskóla Suðurlands á Selfossi.

Markmið fundarins er að búa til opinn og skipulagðan vettvang fyrir ungt fólk á aldrinum 15-25 ára og veita þeim sem sækja fundinn tækifæri til að koma sjónarmiðum sínum, reynslu og hugmyndum á framfæri við ráðafólk í íþrótta- og æskulýðsstarfi ásamt fulltrúum sveitarfélaga.

Fundurinn er hluti af landsverkefni UMFÍ, ÍSÍ, Svæðisstöðva íþróttahéraðanna og Ungmennaráði UMFÍ og miðar að því að efla lýðræðislega þátttöku ungs fólks en sporna líka gegn brottfalli úr skipulögðu íþrótta- og æskulýðsstarfi.

Fyrirkomulag, tími og staðsetning

Fundurinn er leiddur af Ólafi Stefánssyni fyrrum landsliðsfyrirliða í handknattleik, heimspeking og meistaranema í íþróttasálfræði, fulltrúum Ungmennaráðs UMFÍ, svæðisfulltrúum, UMFÍ og ÍSÍ. Um er að ræða samráðsfund þar sem áhersla er lögð á hlustun, samtal og gagnkvæman skilning.

Meðfylgjandi er auglýsing og kóði fyrir skráningu er https://forms.gle/C8cgYYRuYKtzTVuo7

Einnig er hægt að senda staðfestingu á þátttöku á netfangið hansina@isi.is fyrir 22. apríl 2026.

Deila

Tilbaka