Héraðssambandið Skarphéðinn

4. maí 2026

Hvöt í fyrsta sinn með lið á unglingamóti HSK í blaki

Héraðsmót unglinga í blaki 16 ára og yngri var haldið á Hvolsvelli föstudaginn 24. apríl sl. Keppt verður bæði í drengja- og stúlknaflokki og senda mátti blönduð lið drengja og stúlkna til leiks á mótið.

Fimm lið tóku þátt í héraðsmóti drengja og þar á meðal var blandað lið Umf. Hvatar. Þetta mun vera í fyrsta sinn sem Hvöt sendir lið til leiks á héraðsmót unglinga í blaki. Mótið var nú haldið í 45. skipti, en fyrsta HSK mótið í unglingaflokki fór fram árið 1980. Dímon A vann alla sína leiki 2-0 og varð þar með HSK meistari fimmta árið í röð. Laugdælir urðu í öðru sæti og Hamar í því þriðja.

Þrjú lið voru skráð í héraðsmót stúlkna, en eitt þeirra forfallaðist vegna veikinda. A lið Dímonar vann B lið félagsins 25-23 og 25-8. Þetta var 20. sigur Dímonar á mótinu, en fyrsta héraðsmót stúlkna var haldið árið 1999.

Heildarúrslit mótsins má sjá á www.hsk.is.

Mynd: Umf. Hvöt tók í fyrsta sinn þátt í héraðsmóti unglinga í blaki.

Deila

Tilbaka