Héraðssambandið Skarphéðinn

23. júlí 2026

Skrifað undir samstarfssamning við Sláturfélag Suðurlands

Sláturfélag Suðurlands og Héraðsambandið Skarphéðinn undirrituðu sl. þriðjudag nýjan samstarfssamning til þriggja ára. Þetta er mikilvægur samningur fyrir HSK en með samningnum verður áfram hægt að gefa öllum keppendum HSK sem fara á Unglingalandsmót UMFÍ treyjur sem merktar eru HSK og SS. Undanfarin ár hafa keppendur HSK vakið athygli fyrir mikla samstöðu á Unglingalandsmótum og hefur skipt miklu máli að þeir hafa verið í samstæðum og merktum treyjum.

Af þessu tilefni var ný treyja kynnt sem keppendur á Unglingandsmótinu fá afhentar í Selinu nk. mánudag 16:30 til 19:00. Þá verða grillaðar SS pylur í tilefni af tímamótum.

Þá verður SS sýnilegt á vettvangi HSK.

HSK þakkar SS kærlega fyrir stuðninginn við ungu keppendur okkar og hlakkar til samstarfsins.

Mynd: Benedikt Benediktsson, framleiðslustjóri SS á Hvolsvelli og Engilbert Olgeirsson, framkvæmdastjóri HSK, undirrituðu samninginn. Með þeim á myndinni eru þær Valgerður Jónsdóttir, Heiða Pálrún Leifsdóttir, Anný Ingimarsdóttir og Dagbjört Sævarsdóttir úr unglingalandsmótsnefnd HSK.

Deila

Tilbaka