Héraðssambandið Skarphéðinn

Relgugerð um heiðursviðurkenningar HSK

1. grein

Stjórn Héraðssambandsins Skarphéðins er heimilt að veita einstaklingum viðurkenningar samkvæmt ákvæðum þessarar reglugerðar.

2. grein

Heiðursviðurkenningar Héraðssambandsins Skarphéðins eru Gull- og Silfurmerki HSK.

3. grein

Gullmerki HSK má veita þeim einstaklingum, sem innt hafa af höndum skipulags-, stjórnar- eða þjónustustörf fyrir Héraðssambandið Skarphéðinn um lengri tíma.

4. grein

Silfurmerki má veita einstaklingum sem unnið hafa gott og giftudrjúgt starf í þágu HSK, einstakra aðildarfélaga eða hreyfingarinnar í heild.

5. grein

Stjórn HSK veitir Gull- og Silfurmerki HSK með samþykkt á stjórnarfundi.

6. grein

Tillögurétt um veitingu heiðursmerkja HSK hafa stjórnarmenn HSK, framkvæmdastjóri HSK og stjórnir aðildarfélaga sambandsins. Tillögum skal fylgja greinargerð á störfum viðkomandi og starfsferill innan hreyfingarinnar.

7. grein

Formaður HSK skal að jafnaði afhenda ofangreindar heiðursviðurkenningar, en í fjarveru hans varaformaður eða framkvæmdastjóri eða aðrir þeir sem stjórn ákveður.

8. grein

Halda skal skrá yfir þá sem hljóta viðurkenningar frá HSK og hvenær veiting fer fram. Birta skal skrána í ársskýrslu HSK og á heimasíðu sambandsins.

9. grein

Með reglugerð þessari er úr gildi felld reglugerð um starfsmerki HSK, frá árinu 1993.

10. grein

Reglugerð þessi öðlast þegar gildi.

(Samþykkt á stjórnarfundi HSK 10. febrúar 2009)

Tilbaka