Héraðssambandið Skarphéðinn

Reglugerð fyrir farandverðlaunagripi HSK

1. gr.

Reglugerð þessi nær til allra farandverðlaunagripa, sem keppt er um innan H.S.K. og veittir eru fyrsta sinni eftir ársbyrjun 1964.

2. gr.

Í sérstaka bók skal skrá: a) Tegund verðlaunagripa. b) Fyrir hvað þeir eru veittir. c) Nöfn gefenda. d) Á hvaða móti eða mótum verðlaunagripirnir vinnast og hvar þeir vinnast. e) Nafn vinnanda.

3. gr.

Allir farandverðlaunagripir til handa einstaklingum vinnast til eignar eftir þrjú skipti í röð eða fimm sinnum alls. Farandverðlaunagripir ætlaðir félögum vinnast til eignar eftir fimm ár í röð eða tíu sinnum alls. Hverri úthlutun fylgir ágrafinn verðlaunapeningur. Hægt verður að semja reglugerð um hvern grip fyrir sig ef gefanda sýnist svo. Eldri verðlaunagripir falla undir þessa reglugerð nema þeim fylgi sérstakar reglur.

4. gr.

Verðlaunagripum skal skila óskemmdum til H.S.K. í síðasta lagi á næsta mótsstað, þar sem keppt er um gripinn að nýju, og ekki seinna en fjórtán mánuðum eftir vinningsdag. Vinnandi skal sjá um að á gripinn sé grafið, á kostnað H.S.K., ártal og nafn vinnanda hverju sinni.

5. gr.

Við andlát vinnanda eða félagsslit skal verðlaunagrip skilað til H.S.K., sem ráðstafar honum til vörslu.

6. gr.

Efamálum um gripina skal vísað til stjórnar U.M.F.Í., eða aðila sem það tilnefnir.

7. gr.

Eintak af reglugerð þessari skal fylgja hverjum verðlaunagrip við afhendingu.

8. gr.

Reglugerð þessi öðlist gildi strax eftir samþykki héraðsþings.

Tilbaka