Héraðssambandið Skarphéðinn

Reglugerð um blakmót HSK

1. gr.

Blaknefnd HSK skal árlega standa fyrir HSK mótum í blaki og ákveður nefndin jafnframt hvar og hvenær mótin fara fram. Þátttökurétt eiga öll aðildarfélög HSK og er hverju félagi heimilt að senda fleiri en eitt lið til keppni. Skrifstofa HSK auglýsir eftir þátttökutilkynningum og skráningarfrestum skv. reglum HSK.

2. gr.

Mótin eru eftirfarandi:

Héraðsmót karla og kvenna.

Hraðmót karla og kvenna.

Héraðsmót drengja og stúlkna 16 ára og yngri.

3. gr.

Keppnisfyrirkomulag héraðsmóts HSK í karla og kvennaflokki.

Héraðsmót HSK í blaki skal halda einu sinni á vetri, fyrir hvort kyn, og skal jafnan spilað í tveimur hlutum Fjöldi liða: Ef lið eru 4 eða færri skal spiluð tvöföld umferð. Samanlagður árangur beggja umferða ræður úrslitum og röð liða. Ef lið eru 5-7 skal spilað í einum riðli, ein umferð. Samanlagður árangur ræður úrslitum og röð liða. Ef lið eru 8-14 skal skipta í 2 riðla og ræður blaknefnd HSK skiptingu liðanna. Fyrri umferð skal spiluð í uppsettum riðlum. Í seinni umferð skal efstu liðum hvors riðils raðað saman í nýjan riðil sem síðan spilar saman til úrslita, neðstu lið hvors riðils spila saman um röð liða í neðri sætunum. Standi fjöldi þátttökuliða á oddatölu skal það lið sem lendir í miðju sæti riðils spila með efstu liðunum til úrslita. Spila skal upp í 25 stig í hverri hrinu nema oddahrinu sem er upp í 15 og má muna einu stigi. Spilað er upp á 2 unnar hrinur. Að öðru leyti skal spilað skv. reglum BLÍ.

Stigagjöf og nethæð skal vera samkvæmt reglum BLÍ hverju sinni. Leikmaður má fara milli liða en ekki innan sama mótshluta (leikdags) nema með samþykki mótsstjóra ef upp koma meiðsli eða aðrar gilda ástæður. Skila skal nafnalista liðanna fyrir fyrsta leik. Titilinn Héraðsmeistari HSK hlýtur það lið með hæsta stigafjöldann. Ef 2 eða fleiri lið eru jöfn að stigum skal fyrst hrinuhlutfall ráða úrslitum og svo stigahlutfall. Séu lið enn jöfn skal innbyrðis viðureign ráða röð liða.

4.gr.

Keppnisfyrirkomulag Hraðmóts HSK í karla og kvennaflokki.

Hraðmót HSK í blaki skal halda einu sinni á vetri, fyrir hvort kyn, og skal spilað í einni umferð Fjöldi liða: Ef lið eru 8 eða fleiri skal dregið í 2 riðla og svo spiluð einföld úrslit Spila skal 2 hrinur, engin oddahrina, blaknefnd ákveður hverju sinni með tilliti til tímaramma hvort spilað er í ákveðinn tíma eða upp í 21 eða 25 stig. Að öðru leyti skal spilað skv. reglum BLÍ nethæð skal vera öldungahæð Titilinn Hraðmótsmeistari HSK hlýtur það lið sem flestar hrinur hefur unnið. Séu lið jöfn skal fyrst hrinuhlutfall ráða úrslitum og svo innbyrðis viðureign. Séu lið enn jöfn skal stigahlutfall ráða röð liða.

5. gr.

Keppnisfyrirkomulag héraðsmóts drengja og stúlkna 16 ára og yngri.

Héraðsmót í unglingaflokki 16 ára og yngri skal spila skv. fyrirkomulagi Hraðmóts HSK að því undanskildu að nethæðin skal vera 2,16m.

Tillaga að nýrri reglugerð blaknefndar HSK var staðfest á stjórnarfundi HSK 27. febrúar 2017,

Breyting á 4. grein var staðfest á stjórnarfundi HSK 10. október 2017

Tilbaka